Top 5 Bollywood Movies to Watch

1. MUMBAI SAGA

John Abraham aur Emraan Hashmi starrer movie “MUMBAI SAGA”, ek sacchi ghatna pe adhaarit film hai. Film me John Abraham “Amartya Rao” ke kirdaar me dikhenge jo ki mumbai ke real life gangster “DK Rao” ka role hai . DK Rao, wo gangter hai jo 3 bar police encounter me bachkar aaj bhi jail me band hai. Wahi dusri taraf Emraan Hashmi film me ek jaanbaj police inspector ke role me nazar aaenge, jinka nam hai “Inspector Vijay Savarkar”.

Click on the picture to watch the trailer.

Film me action hai, suspense hai aur drama bhi hai. Overall film ek powerful entertainment package hai. Ye movie aap Amazon Prime Videos pe dekh sakte hai.

2. ROOHI

Rajkumar Rao, Varun Saharma aur Jhanvi Kapoor starrer movie “ROOHI”, ek Horror- Comedy film hai. Is film me Rajkumar Rao “Bhawra Pandey” ke role me dikhenge, Varun Sharma “Kattani Qureshi” ke role me milenge aur Jhanvi kapoor “Roohi aur Afza” ke role me dikhengi. Film me Jhanvi kapoor ke do kirdaar dikhaae hai, ek kirdar me wo ek bholi bhali ladki (Roohi) hai aur wahi dusre kirdar me ek chudail (Afza) hai. Film me Jhanvi ke andar ek chudail ko dikhaya gaya hai jiska nam Afza hai. Film ka sabse interesting part ye hai ki Rajkumar Rao ko Jhanvi Kapoor ke “Roohi” wale kirdar se pyar ho jaata hai to wahi dusri taraf Varun Sharma ko chudail “Afza” wale kirdar se.

Click on the picture to watch the trailer.

Film me comedey ke sath horror ka bhi barabar tadka dekhne kop milega. Ye movie aap apne puri family ke sath Netflix pe dekh sakte hai.

3. LUDO

Abhishek Bachchan, Aditya Roy Kapur, Rajkummar Rao, Pankaj Tripathi, Fatima Sana Shaikh, Sanya Malhotra, Rohit Suresh Saraf, aur Pearle Maaney starrer movie “LUDO” ek suspense se bhari hui shaandar movie hai. Film me chaar alag- alag kahaniyon ko bade hi acche tarike se ek dusre se joda gaya hai. Ye chaaro alag- alag kahaniyaan kismat aur mauke ke khel me ek dusre se judi hui hai, jisme ek scandalous sex tape, ek paiso se bhara hua suitcase, ek pyaari si love story aur uljhe hue rishte shaamil hai.

Click on the picture to watch the trailer.

Film ki khaas baat ye hai ki film me sabhi stars super talented hai. Film me itne twist aur suspense hai ki agar aapka dhyaan jara sa bhi screen se hata to aap kahi aur kho kaaenge. Film me kaafi suspense ke baad bhi comedy ko bhi bohot acche se barkar rakha gaya hai. Ye film aap Netflix pe dekh sakte hai.

4. MALANG

Aditya Roy Kapur aur Disha Patani starrer movie “MALANG” ek revenge-drama movie hai. Film me Aditya Roy Kapur “Advait” ke role me aur Disha Patani “Sara” ke role me dikhengi. Film me suspense hai, badla hai, damdaar action hai aur romance hai. Film me aapko Anil Kapoor bhi ek young aur damdaar police officer ke role me dikhenge.

Click on the picture to watch the trailer.

Basically film me Advait ko ek serial killer dikhaya hai jo apna badla lene ke liye gunehgaaro ko maarta hai, aur Anil kapoor usko ye sab karne se rokne ki kosish me dikhte hai. Ab Advait kyu serial killer bana ye janne ke liye aapko Malang dekhni padegi. Ye film aap Netflix pe dekh sakte hai.

5. THE WHITE TIGER

Rajkumar Rao aur Priyanka Chopra starrer movie “THE WHITE TIGER” ek aisi movie hai jisme dikhaya gaya hai ki kaise ek ameer pariwaar ka gareeb driver khud ko saajisho se bachaane ke liye aur apne jeevan me safal hone ke liye apni buddhi aur chalaaki ka istemaal karta hai.

Click on the picture to watch the trailer.

Film me Rajkumar Rao aur Priyanka Chopra ne kaafi organic acting ki hai. Iske sath hi Adarsh Gourav jinhone movie me driver ka role kiya hai unki acting bhi Kaabil-e-taarif hai.
Film me drama, suspense aur thriller hai. Ye movie aap Netflix pe dekh sakte hai.

Ummed hai aapko ye article pasand aaya hoga, koi bhi suggestion ya kisi aur particular topic pe articlek liye jarur comment kare aur is article ko apne dosto or family members k sath share karen.

Leave a Reply

Your email address will not be published. Required fields are marked *